BINTULU: Pengerami ngintu Gawai Dayak dudi hari diperambu diatur ba endur ti ngayanka identiti raban bansa Dayak baka rumah panjai.
Menteri Industri Pemakai, Komoditi enggau Pemansang Kandang Menua Sarawak, Dato Sri Dr Stephen Rundi Utom madah, chara nya beguna endar nentuka pesaka budaya raban bansa seruran dijaga.
Ku Kaban Kunsil Nengeri (ADUN) Kemena nya, pengawa ngatur ba endur ke autentik agi ulih nyagu nilai pengawa asal nyengkaum elemen budaya baka Kumang enggau Keling sereta adat bekaul Gawai Dayak.
“Dudi hari, aku ngarap ke pengerai Gawai Dayak ulih diatur ba endur ke ngayanka identiti komuniti baka rumah panjai tauka endur diri empu, ukai baka diatu.
“Kitai patut berundingka dudi hari ngambi budaya seruran dijaga, nyengkaum pesaka baka
seperti rumah panjang atau tempat sendiri, bukan seperti sekarang. Kumang, Keling sereta bemacham adat enggau aktiviti bekaul Gawai Dayak,” ku iya.
Iya nibar ke perambu nya ba mua mayuh rambau Pengerami Ngabang Gawai Begulai Enggau Sapit Premier Sarawak Datuk Amar Douglas Uggah Embas, diatur Parti Pesaka Bumiputera Bersatu (PBB) Pampang Kakus ditu, Hari Enam.
Ku iya, pengerami ngintu Gawai Dayak ukai semina hari besai aja, tang nyadi pelasar raban bansa mereti ke pemujur diulih sepanjai taun ke alai komuniti patut belemati ke asil pengawa sekali ke bulih penguntung tauka enda sereta berudingka pengawa ti patut nentuka seruran bisi pemansang.
“Kitai enda ulih berasai lantang ke pengidup diatu, tang patut seruran meransang diri ulih besemekih ba mayuh pengawa nyengkaum pelajar, kereja enggau ekonomi.
“Enti orang bukai ulih mujur, kitai pen ulih nyapai pemujur ari pengawa enggau pengeransing ati,” ku iya.
Sama datai, Sapit Premier Sarawak Datuk Amar Douglas Uggah Embas, Sapit Menteri ba Opis Premier Sarawak (Undang-Undang enggau Adat Bumiputera) Datuk Jefferson Jamit Unyat, Senator Michael Mujah Lihan, Kaban Parlimen Selangau Edwin Banta, ADUN Jepak Iskandar Turkee, Residen Bagi Menua Bintulu Nyurak Keti, Pegawai Pelilih Tatau Calvin Ligong Bujang @ Endawie enggau Pegawai Pelilih Sebauh Thadeus Ling Bartholomew Allu. -EDISI UKAS
