DUN Ngemendar RUU Kaunsil Pemansang Ekonomi Sarawak
KUCHING: Kunsil Nengeri (DUN) Sarawak ngemendarka Rang Undang-Undang (RUU) Kaunsil Pemansang Ekonomi Sarawak (Ubah) 2026 sepengudah nerima sukung ari pengari rayat, Hari Dua.
RUU nya dibacha Sapit Premier Sarawak, Datuk Amar Douglas Uggah Embas lalu dipejurai 11 Kaban Kunsil Nengeri ba Aum Kunsil Sarawak Ke-19.
Maya meri simpul, ku iya, ubah nya mandangka Perintah Sarawak ransing ngenegap institusyen SEDC lalu tetitihka ubah industri enggau landskap korporat moden.
Ku iya, perintah bela ngaul Bank Dunya ba taun 2022 dikena berati chara ngatur korporat kompeni enggi perintah nengeri (SOE) nyengkaum Badan Berkanun enggau kompeni bekaul perintah (GLC).
"Perintah GPS deka meda SEDC diubah nyadi siti ari SOE pemadu nyulut di Sarawak ti ngembuan chara ngatur engkeman agi, lurus, strategik sereta komersial," pia ku iya.
Iya mega madah, pekara ya tau bendar nyaup ngangkatka SEDC nyadi siti kaunsil ulih besemekih ba renggat antarabangsa.-EDISI UKAS
