KUCHING: Sarawak merambu deka ngelancharka nanosatelit keterubah ba taun 2030 ngena teknologi bepelasarka CubeSat.
Premier Sarawak Datuk Patinggi Tan Sri (Dr) Abang Abdul Rahman Zohari Tun Datuk Abang Openg madah, teknologi nya ngena satelit mit ke dikena ngumpul data enggau berati gaya tanah.
"Sarawak udah tu bisi pengulih ngaga sistem satelit kitai empu dikena ngambi gambar tanah (bumi), data geolokasi enggau penerang strategik ke deka dikena merambu, matau rampa menua enggau ngatur pun penatai pengeraja asal," pia ku iya.
Iya madah ke pekara nya maya ngenatai jaku simpul serimbai Aum Kunsil Nengeri (DUN) Sarawak Ke-19, Hari Tiga.
Berindik ari nya, ku iya, Sarawak Aerospace Advisory Council (SAAC) ditumbuh dikena nyendia kuing tuju strategik enggau lalau ke dikena ngembing pemansang sektor aerosingka miga Sarawak nitih standard industri global.
Iya madah, Sarawak Space Agency mega deka ditumbuh nyadi siti entiti ke ngadu langgur, nempa kerejasama strategik sereta ngemansang pengulih menua tu empu. -EDISI UKAS
Pemberita: Ahmad Daniel Faiz
Gambar: Ibanez Jeffery
