214 Orang Kereja Perintah Nerima Pingat Perkhidmatan Setia 2026 Di Bintulu
BINTULU: Bisi 214 orang kereja perintah nengeri enggau Perintah Besai ari macham opis enggau agensi ba nengeri tu nerima Pingat Perkhidmatan Setia 2026 ke nyadi basa ngagai pemanah enggau pengeransing sida bejalaika pengawa.
Sapit Residen Sitak Bintulu, Abang Zainuddin Abang Turkey ke udah gawa 30 taun ngepun rintai penerima.
Basa nya disuaka Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg ba sebengkah pengerami ke diatur ditu, Hari Lima.
Penerima ke bukai iya nya 10 iku staf ari Opis Residen Sitak Bintulu, 24 ari Opis Kampung Sarawak, dua ari Opis Kereja Raya (JKR) Sarawak, tiga ari Opis Tanah enggau Survei Sarawak sereta tujuh ari Opis Betanam Betupi Sarawak.
Kelimpah ari nya 48 penerima ari Kaunsil Pemansang Bintulu (BDA), tiga penerima ari Opis Imigresen Malaysia Sarawak, enam ari Opis Kastam Diraja Malaysia (JKDM) Sarawak, 38 ari Opis Pengerai Nengeri Sarawak enggau 73 penerima ari Opis Pelajar Nengeri Sarawak.
Pengawa maya nya bela digulu Speaker Kunsil Nengeri Sarawak, Tan Sri Datuk Amar Mohamad Asfia Awang Nasar, Menteri Industri, Pemakai, Komoditi enggau Pemansang Kandang Menua Sarawak, Dato Sri Dr Stephen Rundi Utom, Sekretari Perintah Sarawak, Datuk Amar Mohamad Abu Bakar Marzuki, Sapit Menteri Infrastruktur enggau Pemansang Penyangkai Kapal Sarawak, Datuk Majang Renggi sereta bala Tuai Opis Perintah. -EDISI UKAS
