Brisk Walk Ngerichah Hari Kedua Program Sarawakku Sayang Bintulu
BINTULU: Program Sarawakku Sayang 2026 Bintulu ti udah datai ba hari kedua kena Hari Enam richah diatur lebuh beratus pengusung ngulu aktiviti belepa Brisk Walk ari Tanjung Batu nuju Palan Falak Bintulu.
Tumu pukul 7 pagi, penatai Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg di Tanjung Batu richah diambat mensia mayuh dikena ngerichah program nya.
Bela nyempulang iya nya Menteri Industri Pemakai, Komoditi enggau Pemansang Kandang Menua, Dato Sri Dr Stephen Rundi Utom, Menteri ba Opis Premier Sarawak, Dato Sri John Sikie Tayai, Menteri Pemansang Indu, Nembiak Mit enggau Pengelantang Komuniti, Dato Sri Fatimah Abdullah, Sekretari Perintah Sarawak, Datuk Amar Mohamad Abu Bakar Marzuki sereta ke bukai.
Program belepa nya ukai semina narak pengawa ngemeran gaya idup bepengerai, tang mega nyadi pelasar nyempil kaul tuai nengeri enggau mensia mayuh ba pengawa belepa agi.
Tembu Brisk Walk, Premier Sarawak nampung program nengah pengawa ngirup pagi di Food Court Farley begulai enggau temuai dipebasa bukai.
Ba pengawa belepa nya, iya mega berandau enggau mensia mayuh kelimpah ngaul pengusung enggau pedagang ba endur nya.
Berebak enggau nya, iya mega meda transaksyen Sistem Bantu Barang Diguna Pemun Sarawak (SKAS) ngaul tiga penerima di kaunter Farley kelai pengeran perintah nengeri nentuka inisiatif ngintu pengelantang terus diasai ke semua rayat.
Udah nya, Premier Sarawak deka bejadi Program Sarawakku Sayang Bagi Menua Bintulu 2026 ba Taba Padang Bilun Lama Bintulu seraya nampung atur program ti nyadi pelasar nyempil kaul tuai nengeri enggau rayat nengah bemacham aktiviti enggau inisiatif pemansang. - EDISI UKAS
