KUCHING: Penanggul logistik ba industri hidrogen ulih diputar nengah macham chara teknologi ke benung dikemansangka.

Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg madah, taja isu logistik suah nyadi ba pemansang industri hidrogen tang bisi beberapa bengkah chara ulih dikena.

"Taja pia, pekara logistik nya ulih diputar nengah pengawa ngasilka ammonia.

"Kelimpah ari nya, bisi mega chara hibrid, lalu ba aku, logistik ukai agi siti penanggul," pia ku iya.

Iya nerang ke pekara nya maya dirandau media sepengudah bejadika Asia Pacific Green Hydrogen Conference and Exhibition (APGH) 2026 ditu, Hari Dua.

Iya enggau nya, manggaika penanggul nya ngagai raban bepengelandik ba bidang bekaul, kelimpah nentuka modal mensia semampai chukup dikena nyukung pemansang sektor nya.

Kelimpah ari nya, Datuk Patinggi Abang Zohari madah, pekara ke pemadu beguna ba pemansang ekonomi hidrogen iya nya ungkus ngasilka energy nya.

Iya madah, pemansang teknologi maya hari ulih nyaup ngurangka ungkus ngasilka hidrogen.

"Ba penemu aku, ungkus ngasilka hidrogen deka majak mimit," pia ku iya madah baru.-EDISI UKAS

Pemberita: Ahmad Daniel Faiz
Gambar: Muhammad Rais Sanusi