Yang di-Pertua Negeri Sarawak Nerima Penemuai Basa Deligit Ngintu Hari Pengada Rasmi Agong Renggat Sarawak
KUCHING: Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar enggau Toh Puan Datuk Patinggi Fauziah Mohd Sanusi nerima penemuai basa Komiti Ngintu Hari Pengada Rasmi Kebawah Duli Yang Maha Mulia Seri Paduka Baginda Yang di-Pertuan Agong Ke-XVII Renggat Sarawak Taun 2026 di Astana Negeri Sarawak, kena Hari Dua.
Deligit nya betuai ke Menteri ba Opis Premier Sarawak, Dato Sri John Sikie Tayai ke nyadi menteri menggi tanggungpengawa ngintu pengerami nya disempulang bala komiti datai ari menteri enggau sapit menteri Perintah Sarawak.
Entara bala ti datai Sapit Menteri Pelajar, Inovasyen enggau Pemansang Penau Sarawak, Datuk Francis Harden Hollis, Sapit Menteri Dagang Antarabansa, Industri enggau Meranak Puku Sarawak, Datuk Dr Malcolm Mussen Lamoh, Sapit Menteri Dagang Temuai, Industri Kreatif enggau Seni Pemerindang Sarawak, Datuk Snowdan Lawan, Sapit Menteri Pemansang Indu, Nembiak Mit enggau Pengelantang Komuniti Sarawak, Datuk Mohamad Razi Sitam sereta Sapit Menteri Nembiak, Lumba enggau Pemansang Orang Dagang Sarawak, Datuk Gerald Rentap Jabu.
Sama nyempulang deligit nya Direktor Unit Pekara Pengarap Bukai (UNIFOR), Dato Georgina Apphia Ngau, Residen Bagi Menua Betong, Datu Richard Michael Abunawas, Direktor Unit Protokol, Istiadat enggau Pengatur Achara Sarawak (UPPANS), Datu Hamdan Sharbini, Direktor Unit Komunikasi Awam Sarawak (UKAS), Awang Putrayusrie Awang Redzuan; Direktor Opis Pemadah Malaysia (JAPEN) Nengeri Sarawak, Sabri Said; Sapit Direktor Opis Pengarap Sarawak (JAIS), Ustaz Abang Burhanuddin Abang Masuine sereta Sapit Residen Bagi Menua Betong, Mohammad Nizam Wang.
Tuju penemuai basa nya ngenataika kangau rasmi ngagai Tun Pehin Sri enggau Toh Puan ngulu Pengerami Makai Selamat enggau Ngirup Teh serimbai Ngintu Hari Pengada Rasmi Kebawah Duli Yang Maha Mulia Seri Paduka Baginda Yang di-Pertuan Agong Ke-XVII Renggat Sarawak Taun 2026.
Pengerami nya ditaga diatur 13 enggau 14 Jun tu di Bagi Menua Betong lalu nyadi entara batang pengerami ngintu dikena mandangka basa sereta penaluk rayat ngagai Institusi Raja Berperlembagaan.
Ba penemuai basa nya, Tun Pehin Sri meri terima kasih ke jaku kangau ari komiti pengatur.
Iya mega ngarap ke pengawa ulih diatur lanchar sereta nyapai tuju ngemau semangat penyerakup penaluk sereta pengasih rayat Sarawak ngagai Institusi Raja Berperlembagaan.-EDISI UKAS
