Pakej ‘Seteguh KASIH Ibu’ Nyukung Pengelantang Indu, Ruang Bilik
KUCHING: Opis Menteri Pemansang Indu, Ruang Bilik enggau Komuniti (KPWKM) nengah Kaunsil Peranak enggau Pemansang Ruang Bilik Menua (LPPKN) naka ulih nyendia mayuh inisiatif dikena nyukung pengelantang indu enggau institusyen ruang bilik ba menua tu.
Menteri Pemansang Indu, Ruang Bilik enggau Komuniti, Dato Sri Nancy Shukri madah, entara inisiatif pemadu baru ti dipejalai iya nya Pakej ‘Seteguh KASIH Ibu’ ti berati ke peminta raban indai.
“Aku chukup gaga laban pengawa sehari tu mega bejalaika Pakej "Seteguh KASIH Ibu" ti betati ke peminta raban indai ti nyerangkung Pakej Sayang Ibu, nengah servis WCaRe enggau subsidi beperesa mamogram enggau HPV DNA; Pakej Jalinan KASIH Ibu ti ngemerat kaul diri sebilik nengah terapi seni enggau Bahasa Cinta; sereta Pakej Minda Tenang nengah tusun pengelantang MamaCare,” ku iya.
Iya madah munyi nya lebuh Pengerami Ngintu Hari Indai Renggat Sarawak 2026 di Pustaka Negeri Sarawak, ditu kena Hari Satu.
Dato Sri Nancy ti mega Kaban Parlimen Santubong madah, pakej penuh nya meri peluang ngagai raban indai meri perati baru ngagai pengelantang sida empu seraya terus mangku pengawa besai ba ruang bilik enggau komuniti.
Bela datai, Chairperson LPPKN Dato Sri Rohani Abdul Karim.-EDISI UKAS
