BELAGA: Pengerami Hari Raya Aidiladha 2026 diatur Urusetia Saudara Baru Kita (USK) Pampang Sungai Asap/Koyan richah di Masjid Al-Fattah, Sungai Asap, digulu urung 100 iku ngaul komuniti menua sereta kaban USK.

Program tu udah dipenyadi Kaban Kunsil Nengeri (ADUN) Kennedy Chukpai Ugon ke alai aktiviti beripai ibadah korban nyengkaum nyayat siku chapi udah dipejalai begulai enggau raban masejit.

Nambah ke nya, Kennedy ngaul bala jemaah enggau nyuaka agih dagin korban ngagai 22 penerima ba kaban USK enggau mensia mayuh seraya ngerichah Aidiladha taun tu.

Iya mega nyua Geran Bantu sepenyampau RM20,000 ngagai USK Pampang Sungai Asap/Koyan sereta RM5,000 ngagai USK Pampang Belaga dikena nyukung aktiviti enggau program komuniti ke deka datai.

Kennedy mega madah, Aidiladha ukai semina negap pengawa ibadah, tang mega nyadi pelasar beguna negut kaul penyerakup enggau semangat begulai entara rayat pupu bansa ba menua pesisir.

“Arap ke pengerami tu terus nyadi pelasar ngerapit kaul sereta semangat bela besaup dalam komuniti,” ku iya. - EDISI UKAS