KUCHING: Perintah Sarawak deka berati ke baru struktur pupu levi pengereja menua luar lebuh berati ke ekonomi kemaya hari sereta penemu bemacham industri ti kena empas.

Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg madah, randau begulai enggau raban bekaul benung dipejalai Sapit Menteri ba Opis Premier Sarawak (Pengereja Kasar, Imigresyen enggau Patau Projek), Datuk Gerawat Gala sebedau ngaga pemutus.

“Aku nganti penemu enggau mega ripot, udah nya lalu kitai deka ngaga pemutus,” ku iya.

Iya madah munyi nya lebuh dirandau pemberita pengudah pengawa nyain kontrak entara PTTEP Sarawak Oil Limited enggau Brooke Holding Sdn Bhd (BHSB) ungkup Projek Platform Pemansut Sirung, ditu kena Hari Dua.

Premier Sarawak mega madah, perintah nengeri bejalaika inisiatif berandau enggau kompeni bekaul kelimpah berati ke baru struktur levi bepelasarka gaya ekonomi enggau peminta raban peribit.

Iya mega ngenggaika engka nginsur penyampau levi nya tauka berati ke baru struktur ti bisi diatu ngambi engkeman agi enggau peminta industri.

Nitih ke ripot media, levi pengereja menua luar niki ari RM904 ngagai RM1,484 ti diterit bepun 1 June 2026 sebedau nambah ngagai RM1,854 kena 1 Januari 2027 dibantah pemekuh industri laban disadang nambah ungkus operasyen kompeni nya. - EDISI UKAS

Pemberita : Ahmad Daniel Faiz
Gambar: Ibanez Jeffery