KUCHING: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg entara raban tuai nengeri ti datai ngerichah pengerami nikah anak Sapit Menteri ba Opis Premier Sarawak Pekara Korporat, Pemadah enggau UKAS) Datuk Abdullah Saidol ti diatur di Balai Majma Tuanku Abdul Halim Muadzam Shah, malam tadi.

Iya datai begulai enggau anak, Dayang Norjihan Datuk Patinggi Tan Sri (Dr) Abang Abdul Rahman Zohari urung pukul 8.30 malam lalu diambat Datuk Abdullah enggau bini, Datin Nora Ashikin Ibrahim sereta temuai dipebasa bukai.

Bela datai iya nya Sapit Premier Sarawak Datuk Amar Profesor Dr. Sim Kui Hian begulai enggau bini, Datin Amar Enn Ong, Speaker Kunsil Nengeri (DUN) Sarawak Tan Sri Datuk Amar Mohamad Asfia Awang Nassar, Menteri Utiliti enggau Telekomunikasyen Sarawak Dato Sri Julaihi Narawi, Menteri Pemansang Indu, Nembiak Mit enggau Pengelantang Komuniti Sarawak Dato Sri Fatimah Abdullah sereta Menteri Kerja Raya Malaysia Dato Sri Alexander Nanta Linggi.

Bisi mega datai, Sapit Menteri Utiliti (Sarawak Energy Berhad enggau PETROS) Datuk Ibrahim Baki, Sapit Menteri ba Opis Premier Sarawak (Undang-Undang, MA63 enggau Kaul Nengeri-Perintah Besai) Datuk Sharifah Hasidah Sayeed Aman Ghazali, Tuai Sekretari Politik Premier Sarawak Dato Fazzrudin Abdul Rahman, Kaban Kunsil Nengeri (ADUN) Batu Kitang Dato Ir lo Khere Chiang, Kaban Parlimen Tanjung Manis Dato Ir Yusuf Abdul Wahab sereta temuai dipebasa bukai.

Urung 800 temuai datai ngerichah pengerami nya lalu dipandang pemerindang main asal enggau sketsa khas.

Pengerami nya mega richah agi diperindang artis tebilang menua, Bob Yusof enggau penanyi bukai.

Ke penerang, Damia Nur Abdullah (31) enggau laki iya, Mustafa Kamal Yahya (36) serta Leftenan Danishafiq Abdullah enggau bini iya, Nr Nadirah Adnan bela beumur 28 taun udah nikah di Semenanjung Malaysia sebedau tu. - EDISI UKAS