TYT Sarawak Datai Di Betong Serimbai Ngintu Hari Pengada Rasmi Agong
BETONG: Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar disempulang bini, Toh Puan Datuk Patinggi Fauziah Mohd Sanusi udah datai di Betong kena Hari Enam ungkup ngulu Pengerami Makai Selamat serimbai Ngintu Hari Pengada Rasmi Yang di-Pertuan Agong Ke-17 Rengagat Sarawak Taun 2026.
Penatai seduai disambut Sapit Premier Sarawak, Datuk Amar Douglas Uggah Embas, Sapit Menteri Nembiak. Lumba enggau Pemansang Orang Dagang Sarawak, Datuk Gerald Rentap Jabu, Sapit Menteri Pemansang Indu, Nembiak Mit enggau Pengelantang Komuniti Sarawak, Datuk Mohammad Razi Sitam, Kaban Parlimen Betong, Dato Dr Richard Rapu sereta Residen Bagi Menua Betong, Datu Richard Michael Abunawas.
Pengerami makai selamat ditaga diatur di Masjid Jamek Betong malam tu lalu deka ngempuruka bala tuai sereta peranak dia.
Nyadi pagila, Tun Pehin Sri Dr Wan Junaidi ditaga bejadika Pengerami Ngirup Teh di Dewan Sukan Tan Sri Datuk Amar Stephen Kalong Ningkan ke nyadi batang pengawa ngintu pengerami renggat Sarawak taun tu.
Penatai iya di Betong kelai program rasmi serimbai ngintu pengerami nya belabuh diatur ti ngangkatka bagi menua nya ditapat pengusung kandang dua hari diatur. -EDISI UKAS
