TYT Sarawak & Premier Ngulu Program Ngirup Teh Serimbai Hari Pengada Rasmi Agong Di Betong
BETONG: Pengerami Ngintu Hari Pengada Rasmi Kebawah Duli Yang Maha Mulia Seri Paduka Baginda Yang di-Pertuan Agong Ke-17 Renggat Sarawak ditampung chukup pengerichah nengah Program Ngirup Teh ke digulu Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi di Balai Lumba Tan Sri Datuk Amar Stephen Kalong Ningkan, kena Hari Minggu.
Dulu ari nya, iya enggau bala pemesai bukai ngadu kelai bejadi program nya nengah pengawa nyirap pulut kuning ke tanda ngintu hari pengada nya.
Berebak enggau nya, iya mega bisi nyua pemeri ngagai bala penerima rejista ari baruh Opis Pengintu Pengelantang Mensia Mayuh (JKM) Sarawak Bagi Menua Betong ngaul sekeda kategori bantu nyengkaum Bantu Bukai (BA), Bantu Orang Tuai (BWE), Bantu Orang Timpang Pendiau Enda Bekereja (BTB), Elaun Pengereja Orang Timpang Pendiau (EPOKU), Bantu Nyaga Orang Sakit Raya (BPT) sereta Bantu Nembiak Mit (BKK).
Pengawa nya mega digulu Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg, Sapit Premier Sarawak, Datuk Amar Douglas Uggah Embas, Speaker Kunsil Nengeri Sarawak, Tan Sri Datuk Amar Mohamad Asfia Awang Nassar, Menteri ba Opis Premier Sarawak, Dato Sri John Sikie Tayai, Menteri Pemansang Indu, Nembiak Mit enggau Pengelantang Komuniti, Dato Sri Fatimah Abdullah sereta Menteri Industri Pemakai, Komoditi enggau Pemansang Kandang Menua, Dato Sri Dr Stephen Rundi Utom.
Sama datai, Sekretari Perintah Sarawak, Datuk Amar Mohamad Abu Bakar Marzuki, Sapit Menteri ba Opis Premier Sarawak (Penyeraris Projek Agensi Pemansang Kandang Menua, Kaunsil Mengeri Kuching Utara (DBKU) enggau Pekara Islam), Datuk Dr Abdul Rahman Junaidi, Sapit Menteri Pemansang Indu, Nembiak Mit enggau Pengelantang Komuniti Sarawak (Pengelantang Komuniti), Datuk Mohammad Razi Sitam, Sapit Menteri Dagang Temuai, Industri Kreatif enggau Seni Pemerindang, Datuk Snowdan Lawan, Sapit Menteri Nembiak, Lumba enggau Pemansang Orang Dagang, Datuk Gerald Rentap Jabu, Sapit Menteri Pelajar, Inovasyen enggau Pemansang Penau, Datuk Dr Annuar Rapaee, Sapit Sekretari Perintah Sarawak (Perambu Ekonomi enggau Pemansang), Dato Sri Dr Muhammad Abdullah Zaidel, Kaban Parlimen Betong, Dato Dr Richard Rapu, Residen Bagi Menua Betong, Datu Richard Michael Abunawas sereta temuai bukai.
Kelai ngujungka Pengerami Ngintu Hari Pengada Rasmi Kebawah Duli Yang Maha Mulia Seri Paduka Baginda Yang di-Pertuan Agong Ke-17 Renggat Sarawak Taun 2026, mensia mayuh ditesau datai meda Konsert Rakyat ke deka diatur di Balai Lumba Tan Sri Datuk Amar Stephen Kalong Ningkan, Betong pukul 8 malam tu.
Konsert nya deka mai beperindang enggau bala artis lokal enggau menua nyengkaum Aina Abdul, Ramles Walter, Carrie Geres, Masterpiece, Mawat, Stanley enggau Chien ke disadang chukup richah lalu nyadi batang pengerami ba renggat nengeri taun tu. -EDISI UKAS
