TYT Sarawak Nerima Penemuai Basa Duta Besai Hungary Ke Malaysia
KUCHING: Yang di-Pertua Negeri Sarawak, Tun Pehin Sri Dr. Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi nerima penemuai basa Duta Besai Hungary ke Malaysia Dr. Sandor Sipos di Astana Negeri Sarawak, Hari Empat.
Tuju penemuai basa nya dikena ngenegap kaul Hungary enggau Sarawak lalu berandauka pengulih nempa kerejasama ba energi gadung, biodiversiti, teknologi sereta penemu.
Awak nya bela dikena berandauka sejarah menua Hungary enggau Sarawak ke udah lama ditempa ari suba kelimpah ngenang saup saintis Hungary nengah program kerejasama begulai enggau Perpustakaan Negeri Sarawak.
Bela datai maya nya Sapit Tuai Misyen Kamilla Balla, Konsul Kehormat Hungary Dato Damien Chua, Pegawai Khas Konsulat Kehormat Hungary, Cheering Tan sereta Direktor Opis Kandang Menua Sarawak Opis Menteri Luar Nengeri Dato Fenny Nuli.-EDISI UKAS
