KUCHING: Duta Besai Hungary ke Malaysia, Dr Sandor Sipos ba tusun program nemuai gawa ke Sarawak bisi limpang nemuai ngagai Muzium Budaya Borneo (BCM) dikena iya silik agi nemu sejarah enggau budaya Sarawak.

Penatai iya disempulang Sapit Tuai Misyen Kamilla Balla, Konsul Kehormat Hungary, Dato Damien Chua sereta bala bukai, Hari Empat.

Maya nya iya bisi meda tibang sejarah, budaya enggau pesaka asal Sarawak.

Iya tekait ati meda artifak ti mandangka penyelai etnik di nengeri tu.

Penemuai delegit Hungary maya nya meri awak ngagai silik agi nemu bekaul Sarawak seraya ngenegap kaul enggau besilih budaya dua buah menua.

Sebedau nya, Dr. Sandor ngatur penemuai basa ngagai Yang di-Pertua Negeri Sarawak, Tun Pehin Sri Dr. Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi di Astana Negeri Sarawak. - EDISI UKAS