KUCHING: Bisi 35 iku datai nerima Darjah Kebesaran, Bintang enggau Pingat Nengeri Sarawak maya istiadat serimbai Hari Pengada Ke-80 Yang di-Pertua Negeri Sarawak ke diatur di Dewan Istiadat, Astana Negeri Sarawak, ditu, Hari Enam.

Sida nya sebagi ari 1,350 iku ke dirintai nyadi penerima pingat basa nengeri taun 2026.

Pengawa nya udah dipenyadika Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar.

Senator Dato Sri Awang Bemee Awang Ali Basah nguluka rintai penerima Darjah Yang Amat Mulia Bintang Sarawak Panglima Negara Bintang Sarawak (P.N.B.S.), begulai enggau tiga penerima bukai iya nya Dato Sri Azizah Nawawi, Dato Sri Abdul Wahab Aziz enggau Dato Sri Tay Ah Ching @ Tay Chin Kin.

Ba kategori Darjah Utama Yang Amat Mulia Bintang Kenyalang Sarawak Panglima Gemilang Bintang Kenyalang (P.G.B.K.), tiga penerima iya nya Datuk Dean Wayne Daly, Datuk Idris Buang enggau Datuk Sebastian Ting Chiew Yew.

Seraya enam penerima Darjah Jasa Bakti Sarawak (D.J.B.S.), iya nya Dato Dzulkornain Masron, Dato Morshidi Fredrick, Dato Ir. Ts. Dr. Angelia Liew San Chuin, Dato Dominic Chungat, Dato Mual Suaud enggau Dato Ts. Dr. Peter Morin Michael Paong.

Sepenyampau 22 iku nyadi penerima Darjah Yang Amat Mulia Bintang Sarawak Panglima Setia Bintang Sarawak (P.S.B.S.).

Entara penerima nya, Dato Mohamad Zainal Abdullah, Mejar Jeneral Dato Mohd Sobirin Mohd Yusof, Senator Dato Rita Sarimah Patrick Insol, Senator Dato Susan Chemerai Anding, Dato Friday Belik, Dato Azerina Mohd. Arip, Profesor Dato Dr Ahmad Hata Rasit enggau Dato Dr Veronica Lugah.

Rintai nya bela nyengkaum niang Dato Sibat Buyong, ke diarika Puan Ruth Sibat @ Nur Mithali Abdullah ngarika niang.

Sama datai ngemataka Istiadat Darjah-Darjah Kebesaran Negeri Sarawak nya bini Yang di-Pertua Negeri Sarawak, Toh Puan Datuk Patinggi Fauziah Mohd Sanusi, Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg begulai enggau anak iya, Puan Dayang Norjihan, tiga Sapit Premier Sarawak, Datuk Amar Douglas Uggah Embas, Datuk Amar Awang Tengah Ali Hasan enggau Datuk Amar Profesor Dr Sim Kui Hian, SpeakerKunsil Nengeri (DUN) Sarawak, Tan Sri Datuk Amar Mohamad Asfia Awang Nassar, Sekretari Perintah Sarawak Datuk Amar Mohamad Abu Bakar Marzuki, raban Menteri Kabinet Sarawak sereta pemesai bukai.-Edisi UKAS