SEBUYAU: Pasar Baru Sebuyau ke bisi 235 iti lot rumah enggau komersial deka ngepun penumbuh genturung pendiau ke berurun agi enggau ekonomi baru.
Menteri Utiliti enggau Telekomunikasyen Sarawak, Dato Sri Julaihi Narawi madah, projek ke digaga Kaunsil Pemansang enggau Nyaga Tanah (LCDA) nya bela bisi 50 ari 100 buah rumah ngena solar ba projek Renggat Keterubah.
"Naka 25 Oktober tu tadi, Renggat Keterubah udah digaga 44 peratus lalu projek tu disadang tembu Mei 2028," pia ku iya.
Iya bejaku munyi nya nengah penerang media sepengudah ngabas projek nya ditu, Hari Empat.
Nitihka dipadah, rumah dua ringkat nya digaga ngena konsep LCDA Sapphire tiga pangking enggau dua bilik mandi.
Pelin besai pasar nya bela mungkur 65 buah rumah kedai dua ringkat enggau 80 buah rumah kedai tiga ringkat.
Bela datai ngabas projek nya, Menijar Besai LCDA, Datu Sr Zaidi Zaidi, Sekretari Mendam Opis Menteri Pengeraja Asal enggau Pemansang Mengeri, Datu Abdullah Julaihi, Tuai Pegawai Eksekutif LCDA Real Estate Sdn Bhd, Sr Hardi Fadillah Hamzah enggau Residen Sitak Samarahan, Mohamad Irwan Bahari Bujang. -EDISI UKAS
