SARATOK: Sepenyampau 400 penerima ari pupu bansa enggau jalai pengarap ditu nerima bantu pemakai ba program diatur Gerempung Pengasih enggau Pelajar Pemanah Ulah Ji Yuan Shan She Saratok ti diatur, empai lama.

Kaban Kunsil Nengeri (ADUN) Kalaka Mohamad Duri enggau ADUN Krian Friday Belik datai ngaul sereta nyua bantu ngagai bala penerima ba program ti diatur ba Dewan Terbuka Sekula Primari China (SJKC) Min Syn Saratok.

Program nya diatur serimbai Kimpin Pengasih enggau Meri Darah dikena nyaup ngelempung tating serimbai Hari Natal kelebih agi raban Orang Nyelai Pendiau (OKU) sereta raban ti begunaka bantu.

Bala penerima nya nyengkaum ari raban bansa China, Iban enggau Melayu ti mega nyeremin pengelantang sereta penyerakup pupu bansa ba sitak nya.

Bantu pemakai ti diagih ngundan barang baka berau, mi, kuie sereta barang dapur bukai. - EDISI UKAS