BELAGA: Hari Diri Sebilik Uma Belor, Leo Dian, Sungai Asap mujur ngempuru komuniti lokal nengah mayuh aktiviti ti bepuguka ruang bilik enggau penyerakup seraya negap kaul entara komuniti Orang Ulu.

Pengawa Nangguh Hari Diri Sebilik nya ti diatur empai lama udah dipenyadi Kaban Kunsil Nengeri (ADUN) Murum Kennedy Chukpai Ugon enggau mega richah nengah penatai Menteri Penyerakup Bansa ti mega Kaban Parlimen Kanowit Dato Sri Aaron Ago Dagang

Hari Hari Diri Sebilik Uma Belor taun tu ngangkat sulu jaku “Ji Uma, Ji Panak, Murip Melu, Pegu Sayu”ti mai besai reti sereta nyeremin semangat begulai, identiti enggau pemereti ati komuniti Orang Ulu.

Bemacham aktiviti udah diatur sepanjai program baka sukaneka, pekit ngaga enggau ngias langkau asal, nyua insentif ngagai nembiak nyulut enggau orang tuai sereta anugerah khas ngagai tokoh Uma Belor kelai ngenang jasa sida.

Sama datai, ex-Kaban Parlimen Hulu Rajang Datuk Billy Abit Joo, Penghulu Saging Bit, Maren Uma Ding Ajang sereta peranak ba Uma Belun Leo Dian. - EDISI UKAS