Datuk Amar Douglas Uggah Ngabang Ngagai Peranak Rumah Sungai Langit Serimbai Krismas
BETONG: Sapit Premier Sarawak ti mega Kaban Kunsil Nengeri (ADUN) Bukit Saban Datuk Amar Douglas Uggah Embas ngabang Hari Krismas ngagai Rumah Bantan Jerman, Sungai Langit, Layar kena Hari Lima.
Iya ngabang begulai enggau bini, Datin Amar Dato Doreen Mayang sereta diambat peranak rumah panjai nya enggau penuh basa seraya nyeremin kaul rat entara tuai enggau komuniti lokal.
Penatai seduai kia mega diundang peranak rumah panjai nya ngagai rumah ngelalu pengabang kelai beterima kasih sereta semangat beserakup komuniti maya ngintu Krismas.
Sama datai, Tuai Gerija St Augustine Betong Father Rentap Nuang, Penghulu Sitak Layar Ulu Linggi sereta Tuai Rumah Sungai Langit Bantan Jerman.-EDISI UKAS
