BELAWAI: Karnival Lumba SABERKAS (KASUS) Pampang N.41 Kuala Rajang nyadi pelasar nemban mekuh kaul penyerakup sereta semangat kerejasama entara kaban enggau ruang bilik sida.

Program ninting taun diatur Serakup Nembiak Nasional Beserakup Sarawak (SABERKAS) nya diatur di Iftitah Beach Resort, Belawai lalu dipasuk kaban ari serap umur.

Entara aktiviti ti diatur iya nya main bol pantai, sukaneka, senamrobik zumba, batak tali, nyendia bubur lambuk enggau klinik nimbak panah laja tradisional nerima timbal ti chukup manah.

Karnival nya betuai ke Tuai Nembiak Kuala Rajang Mornurazli Morshidi ngari ke Sapit Menteri Perambu Mengeri, Pengatur Tanah enggau Rampa Menua Sarawak ti mega Kaban Kunsil Nengeri (ADUN) Kuala Rajang sereta Chairman SABERKAS Pampang Kuala Rajang Datuk Len Talif Salleh.

Pengawa ngatur karnival nya ukai semina meransang gaya idup bepengerai tang mega ngerapit kaul enggau semangat beraban entara kaban. - EDISI UKAS