MUKAH: Sepenyampaui 11 pintu peranak Rumah Rami, Pengkalan Lobang, Balingian nerima bantu tangki ai ba siti pengawa diatur kena Hari Minggu.

Bantu nya diberi ngena agih belanja Kaban Parlimen Selangau, Edwin Banta nyadi sebagi ari pengawa nangkup peminta utai diguna peranak menua pesisir, kelebih agi nyendiaka bekal ai beresi.

Pengawa nyua bantu tangki ai nya udah dipenyadi Kaunselor Binit Madang ti ngari ke Kaban Ahli Parlimen Selangau.

Inisiatif nya mandangka bala tuai seruran ransing negap pemansang komuniti enggau nambah pengelantang rayat seriris enggau utai diguna rayat kebendar.

Ba pengawa bebida, Binit Madang mega ngari ke Kaban Parlimen Selangau nyua bantu tangki ai ngagai 10 pintu peranak Rumah Laga di Jalai Pangkalan Lobang, Balingian.

Udah nya, pengawa nyua tangki ai mega diatur ungkup 19 pintu peranak Rh Awa Anak Busang di Sebatu, Selangau.-EDISI UKAS