DARO: Pengerami Mantar Taun Baru Pelilih Daro 2026 deka diisi mayuh program narit ati ungkup mensia mayuh ti diatur ba Medan Selera Pelilih Daro kena Hari Tiga tu.

Entara isi program deka ngerichah pengerami nya baka Pekit Karaoke Tebuka ti meri peluang ngagai mensia mayuh mantaika penau diri, pemerindang Tanda Melanau dikena nyagu seni enggau budaya lokal, sereta Chabut Tikit Benasip ti nyendia perais chukup manah ngagai bala pengusung.

Batang pengerami malam nya deka richah enggau meda bungai api ti nyadi lambang pengarap enggau ngepunka singkang ba taun 2026.

Pengerami nya deka dipenyadi Kaban Kunsil Nengeri (ADUN) Daro, Dr Safiee Ahmad lalu diatur nyadi pelasar ngerapit kaul peranak kelimpah ngemau semangat penyerakup enggau segulai sejalai datai ba taun baru 2026.

Berindik ari nya, mensia mayuh kelebih agi peranak Pelilih Daro enggau kandang menua semak dikangau datai bebala mayuh ngambi sama ngerichah pengerami nya lalu sama ngintu taun baru enggau likun, lantang sereta ati gaga.-EDISI UKAS