PUSA: Sitak Muton Kara, Undai deka ngasai pemansang baru ba sektor betanam betupi lebuh RM5 juta diagih ngemujurka projek bumai padi.

Ku Kaban Kunsil Nengeri (ADUN) Beting Maro Dato Razaili Gapor, inisiatif nya ukai semina nambah asil padi ba sitak nya aja, tang nyadi entara pengawa negap ekonomi peranak dia nengah bemacham pemansut ari pengawa betanam betupi.

“Nengah bemacham pemansut ari pengawa betanam batupi ba sitak tu, Beting Maro engkeman diangkat nyadi tibang produk lokal ungkup Sarawak,” ku iya ba mua mayuh rambau Program Krismas enggau Ngerami Penatai Taun Baru di Rumah Panjai Muton Kara, Undai, ditu, Hari Dua.

Iya madah baru, raban sida deka merambu program enggau aktiviti ungkup taun baru dikena negapka agi ekonomi sitak Beting Maro sereta nambah penatai pemisi.

Berebak enggau nya, Dato Razaili madah, Sarawak betuah diuan pupu bansa, dikemegah enggau etnik ulih idup begulai dalam pemaik, pengelikun enggau pengelantang.

Nya alai iya meransang peranak Beting Maro ngetanka budaya enggau terus ngangkatka tikas idup ari bemacham program sereta seruran ngubah pengidup dikena ngulihka juluk dudi hari.

“Enti kitai begempung, kitai tau bulih pemansang lalu Sarawak terus bulih penatai pemisi ti manah,” ku iya nyemetak. -EDISI UKAS