Lumba Para ASEAN: Atlit Para Sarawak Nyulut, Menang Emas Boling Tenpin
BANGKOK: Atlit para ari Sarawak sekali da mandangka penau diri ba kelang antarabansa lebuh menang midul emas ba achara boling tenpin ba pekit Lumba Para ASEAN Ke-13.
Pemujur ngemegah nya diulih nengah achara Beregu Lelaki lebuh dua atlit para Sarawak, Muhammad Razif Iskandar enggau Abang Yahya Abang Azhar, menang emas ngalahka pemain bukai.
Pengawa nyuaka midul nya udah dipenyadi Menteri Pemansang Indu, Nembiak Mit enggau Pengelantang Komuniti Sarawak, Dato Sri Fatimah Abdullah, ti mega datai meri peransang ngagai bala atlit serimbai pekit besai nya.
Tim boling tenpin para Malaysia nurai penyulut lebuh menang lima midul emas, lima pirak enggau siti engkeraju.
Atlit para Sarawak nyata nyulut lebuh menang dua midul emas, siti pirak enggau siti engkeraju.
Pemujur nya ukai semina mandangka tikas besikap enggau pengeransing atlit nurun bepekit, tang mega ngayanka program pemansang lumba para di Sarawak nemban dipejalai belama.
Dato Sri Fatimah bisi di Nakhon Ratchasima, Thailand, ari 24 nyentuk 26 Januari 2026 datai meri sukung enggau peransang ngagai kontinjen menua, kelebih agi bala atlit para Sarawak, ti nurun bepekit ba Lumba Para ASEAN Ke-13 diatur ari 21 nyentuk 26 Januari 2026.
