SIBU: Sapit Premier Sarawak Datuk Amar Profesor Dr Sim Kui Hian ngatur program ‘walkabout’ ngundang orang dagang enggau bala mayuh ba Makit Sentral, ditu, Hari Empat.

Iya disempulang Sapit Menteri Pengerai Mensia Mayuh, Pengawa Berumah enggau Perintah Lokal ti mega Kaban Kunsil Nengeri (ADUN) Pelawan, Datuk Michael Tiang Ming Tee enggau ADUN Bukit Assek, Joseph Chieng Jin Ek.

Tuju program nya ngundang orang dagang enggau bala mayuh ke bisi ba makit besai seraya meri selamat ngintu Taun Baru China ngagai sida ke ngintu.

Presiden Parti Sa'ati Rayat Sarawak (SUPP) nya mega bisi limpang ngirup pagi enggau kaban SUPP di Sibu ba Gerai Lai Heung Cafe, ke alai program nya dikena ngerapitka kaul sereta besilih penemu.

Maya nya mega, raban pengusung bela ngena peluang berandau enggau pengari rayat kelimpah ngambi gambar kenang.

Sama ngulu program nya, Chairman Kaunsil Mengeri Sibu (MPS) Clarence Ting enggau Tuai Nembiak Parti Sa'ati Rayat Sarawak (SUPP) Besai, Kaunselor Kevin Lau Kor Jie. -EDISI UKAS