Projek Ngaga Baru Entepan Entukar Hospital Bau Tembu
BAU: Isu suntuk entepan entukar ba Hospital Bau diatu teputar lebuh projek ngaga baru fasiliti nya tembu digaga.
Projek nengah agih belanja Program Transfomasyen Menua Pesisir (RTP) ungkup taun 2025 nengah Kaban Kunsil Nengeri (ADUN) Tasik Biru nya beungkus RM199,905.50.
Sapit Menteri Pengangkut (Sungai enggau Tasik) Sarawak, Datuk Henry Harry Jinep udah ngabas taba projek nya kena Hari Lima ngambi berati ke pejalai projek nya.
Projek ti belabuh digaga kena 14 Oktober 2025 nya nyendia 60 lot entepan entukar enggau genap ruang pemanjai enam meter enggau pemesai 2.8 meter, seraya disadang ulih ngurangka penanggul suntuk entepan entukar ba fasiliti pengerai nya.
Ba pejalai ngabas nya, Datuk Henry mega ngansak raban kontraktor ngambi ngemanah sekeda endur ti dikelala enda nitih ke sukut pengelikun sereta ulih ngeruga pengelantang pesakit, pengusung enggau staf hospital sebedau nyerah taba projek ngagai raban pengatur Hospital Bau ti ditaga minggu baru.
