Strategi Nyekat Pemain Mujur Ngalahka Negeri Sembilan
KUCHING: Strategi nyekat pemain nyadi senyata Kuching City FC (KCFC) ngalahka Negeri Sembilan FC 2-0 ba Liga Super 2025/2026 di Stadium Negeri, Petra Jaya kena Hari Enam.
Tuai Jurulatih KCFC Aidil Sharin Sahak madah, perambu silik digaga dikena nutup ruang enggau nagang pemain Negeri Sembilan.
Iya mega muji pengeransing bala pemain mereti ke pengelebih tim sepiak kelbih agi pengudah tim nya lenyau dua mata lebuh bemain ba Paroi sebedau tu.
“Kami nguji nyekat sekeda pemain lalu aku ngasai ke pemain udah bebendar bemain.
“Kita ulih meda kami semina bemain enggau tiga pemain sehari tu laban kami deka menang lalu kami deka nyerang.
"Kami ngena Pedro enggau Ramadhan lebih ke tisi lalu aku chukup gaga enggau penyulut sida,” ku iya ba aum pemberita pengudah renggat final.
Ku iya agi, sekeda atur taktikal mega dipejalai ba second half nentuka tim terus tegap enggau nagang tim sepiak ngelaban.
Tang, iya deka terus ngiga resepi ngemanah gaya bemain nentuka gol mujur disipak maya bisi peluang. - EDISI UKAS
