KUCHING: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg ngelimpang awak diri datai ngagai Stadium Negeri, Petra Jaya, kena Hari Enam ngambi meda Liga Super entara Kuching City FC (KCFC) ngelaban Negeri Sembilan FC (NSFC).

Penatai iya urung pukul 8 malam diambat Tuai Pegawai Eksekutif KCFC, Iswandi Ali Hassan, seraya nyeremin sukung meruan tuai nengeri ngagai pemansang lumba bol ba Sarawak.

Penatai Premier Sarawak nya mega meri besai reti laban nya keteruah iya meda KCFC pengudah kelab nya bepadan baru ba pekit bol menua kenyau ari 10 taun ti udah.

Pekit ti diatur nya mujur matak 6,535 pengusung seraya nunjukka sukung rat penyukung ngagai KCFC sereta industri bol Sarawak angkat ba renggat nasional.

Sama datai, Presiden KCFC Dato Fazzrudin Abdul Rahman. -EDISI UKAS