BETONG: Zon Tengah nyulut ba achara Taekwondo kategori Kyorugi lelaki ba Lumba Sarawak (SUKSAR) 2026 pengudah bulih dua ari tiga midul emas ke dipekit ba Balai Lumba SJK (C) Chung Hua, ditu, Hari Empat.
Penyulut nya ditempa nengah kategori Welter (74kg–80kg) nangkan Clement Li Wen Feng bulih midul emas, pemekit sama tim, Ethan Tang Chung bulih midul pirak.
Midul engkeraju bela diempu Andyson Wong Yew Yi enggau Daryll Mathias Empenit Nicholas ari Zon Barat.
Ba pekit kategori Heavyweight (87kg ke atas) keterubah, Ting Foo Wei ari Zon Tengahh bulih emas lebuh bulih champion ba pekit kepenudi.
Pirak diempu Elvis Tuh Zen Wang ari Zon Utara, lalu engkeraju enggi Trevor James Kenny Steve ari Zon Barat enggau Julian Jared Joe Jafree ari Zon Utara.
Kelimpah ari nya, siti da achara Heavyweight (87kg ke atas) mandangka Elden Edwin Bugi Hillary ari Zon Utara bulih midul emas lebuh mandangka penyulut ba pekit kepenudi.
Calvin Chong Zhao Bing ari Zon Selatan bulih pirak, lalu dua engkeraju diempu Oliver Kong Jihong ari Zon Barat enggau Justin Eugene Chin Yi Lin ari Zon Tengah.
Kesemua iya, Zon Tengah nyadi zon ti paling nyulut ba achara Kyorugi lelaki SUKSAR IV enggau dua midul emas kelimpah sekeda midul bukai, lalu Zon Utara enggau Zon Barat bela bepadan sekumbang pekit diatur. - EDISI UKAS
