TEBEDU: Dua projek Program Transformasyen Menua Pesisir (RTP) ungkup taun 2025 ba sitak Kunsil Nengeri (DUN) Tebedu diatu tembu digaga.
Projek nya nyengkaum projek nyeruri padang bol Kampung Sungan beungkus RM200,000 sereta projek nyeruri kuarters pengajar Sekula Primari (SK) Payau ti beungkus RM200,000.
Kaban Kunsil Nengeri (ADUN) Tebedu Dr. Simon Sinang Bada udah ngemata pengawa nyua dokumen ungkup kededua projek nya kena Hari Lima.
Nambah ke nya, siti da projek RTP baru mega disua iya nya projek nyeruri padang bol Kampung Daha Kisau bela beungkus RM200,000.
Projek tu nyerangkung ngaga akses bedarat, astaka sereta agu dikena nyamin pengelantang peranak dia.
Pejalai projek nengah RTP 2025 tu dikearap ulih meri pemaik terus ngagai komuniti dia sereta nyukung pemansang perengkaguna pemun enggau lumba ba sitak menua pesisir. - EDISI UKAS
