Perambu Enggau Atur Berurun Mujur Nambah Emas, Zon Selatan B Champion Bola Jaring SUKSAR IV
BETONG: Perambu tumu ti ditusun manah mansutka asil pengudah tim bola jaring Zon Selatan B mujur nyapai selinting ngempu gelar champion seraya nambah midul emas ba pekit bola jaring Lumba Sarawak (SUKSAR) IV 2026.
Tuai jurulatih tim, Magdalene Muring Baru madah, selinting nyadi champion udah ditetapka kenyau ari pun lalu penyulut ti dibantai pemain sepanjai pekit nitih perambu taktikal tim.
“Ungkup pekit sehari tu, kitai enda udah merambu tumu lalu selinting kitai nyengala iya nya nyadi champion.
“Pekara ti dijapai pemain sehari tu endang dalam tagit kitai. Nasip endar semua ngesan tanggungpengawa enggau chukup manah,” terang iya.
Iya madah munyi nya lebuh dirandau pengudah Pengawa Nyua Midul Achara Bola Jaring ti diatur ba Balai Lumba Tan Sri Datuk Amar Stephen Kalong Ningkan, ditu kena Hari Enam.
Ba renggat kepenudi, Zon Selatan B alah ngelaban bakih zon ti sama iya nya Zon Selatan A tang tim dipegai Magdalene gah agi pengudah pemutus kepenudi enggau pemutus 61-42 nentuka emas enggi sida.
Dulu ari nya, Sapit Menteri Nembiak, Lumba enggau Pemansang Orang Dagang Sarawak ti mega Chairman SUKSAR IV 2026, Datuk Gerald Rentap Jabu mega meda pekit ngerebut midul engkeraju entara Zon Tengah enggau Zon Utara B.
Ngenang pemujur tim, iya ngaku agi bisi sekeda pengelemi mit kelebih agi kelebih agi pengilap tang muji tikas disiplin sereta penau pemain nutup pengelemi nya enggau manah.
“Endang bisi sekeda pengilap tang pemain ulih nutup pengelemi nya lalu nya ti dikedeka kitai ke alai sida ngesan tanggungpengawa enggau nguji ngemanah nya baru,” terang iya.
Iya nyemetak madah ke pemujur tu besai reti laban tim ngembuan mayuh pemain biak seraya nunjukka pengulih besai ungkup pemansang tim dudi hari.
“Tebal agi, pemain nya pemain biak iya nya tiga pemain biak beumur 15 taun seraya ke bukai nya ari nembiak Pom Empat enggau Lima lalu semina tiga pemain apus sekula,” ku iya.
Ku iya, pemujur bulih midul emas ukai penentu tang nyadi pugu besai dalam perambu timpuh panjai tim nuju Lumba Malaysia (SUKMA).
“Udah tu kitai deka terus belatih besikap napi SUKMA. Sekeda pemain udah ba rintai panjai lalu kitai mega nyerenih pemain ari zon bukai ngambi diserap dalam rintai nya,” ku iya.
Zon Selatan A alah ba renggat kepenudi ngambi nambah koleksyen midul pirak ungkup Zon Selatan seraya Zon Tengah bulih midul engkeraju pengudah ngalahka Zon Utara B. - EDISI UKAS
