LUBOK ANTU: Kontinjen Zon Barat nyadi champion besai achara sepak takraw Lumba Sarawak (SUKSAR) IV 2026 pengudah nempa penyulut ba sekeda kategori besai.

Pemujur Zon Barat nyata dipeda pengudah ngempu kategori Beregu Double Indu ke alai Zon Barat A bulih midul emas, lalu Zon Barat B bulih midul pirak.

Pemujur nya ditampung ba kategori Kuadrant Indu lebuh Zon Barat bulih midul emas.

Ba kategori Regu Indu, Zon Utara A bulih midul emas, dientudi Zon Barat A bulih midul pirak enggau Zon Selatan A bulih midul engkeraju.

Ba kategori lelaki, Zon Selatan A nyadi champion achara Regu Lelaki.

Tang, Zon Barat A mujur nguasa kategori Bergu Double Lelaki lebuh ngempu midul emas, seraya nambah mata ungkup zon nya.

Nangkan nya, kategori Kuadrant Lelaki ngemata Zon Selatan nyadi champion lalu Zon Barat ba penuduk kedua. - EDISI UKAS