KUCHING: Maya ngereja pengawa ti ngaul raban media, tuai enggau raban uniform ba sebengkah pengawa baka selama, pekara ti nyadi lemai Hari Lima bebida lebuh sida begulai mantu siku bakih media, iya nya Razali Nordin ti napi penanggul pengerai ketegal mayuh komplikasyen penyakit.

Razali ti mega siku Tukang Gambar ba Bernama ditaban ke Hospital Besai Sarawak (HUS) enggau disaup raban Servis Perubat Imijensi (EMRS) Opis Bomba enggau Penyah Penusah Malaysia.

Iya ditaban ke hospital ketegal napi komplikasyen penyakit nyengkaum penanggul injap tungkul atau, batu karang dalam empedu, penanggul tungkul sengayuh sereta diabetes.

Nya kebuah, Mandal Presiden Gerempung Pemberita Bagi Menua Kuching (KDJA), Zulazhar Sheblee meri terima kasih ke penyikar raban bomba.

Pia mega, iya meri terima kasih ngagai Sapit Menteri Besai Datuk Amar Fadillah Yusof, Sapit Premier Sarawak Datuk Amar Profesor Dr Sim Kui Hian sereta Sapit Menteri di Opis Premier Sarawak (Pekara Korporat, Pemadah enggau UKAS) Datuk Abdullah Saidol, ti betati ke pengerai Razali.

Bala bakih media mega enda tinggal nyuaka bantu nunjukka semangat bebakih entara pemekuh media agi tegut. - EDISI UKAS