42 Ruang Bilik Ulu Durin Nerima Bantu Ari ADUN Dudong
SIBU: Sepenyampau 42 ruang bilik di Ulu Durin nerima bantu barang diguna asil inisiatif Kaban Kunsil Nengeri (ADUN) Dudong, Dato Sri Tiong King Sing dikena ngelempung tating penusah rayat, kena Hari Empat.
Pengawa nyadung bantu ti diseraris Komiti Pemansang enggau Pengelikun Genturung Pendiau (JKKK) nya nyengkaum barang dapur baka berau, minyak makai, kuie enggau mi, kelimpah lampu kuasa solar dikena peranak besehari-sehari.
Ku Kapitan Li Siew Ching, bantu nya sebagi ari projek khas ti dipejalai Tiong, ti mega Menteri Dagang Temuai, Seni enggau Budaya dikena nyaup raban ti begunaka bantu kelebih agi ba menua pesisir.
Ku iya, bantu nya dikearap ulih meri pengelantang ngagai ruang bilik maya betapika belanja idup niki diatu.
“Kerejasama rat entara peranak enggau pengari rayat beguna amat nentuka bantu ulih dikenatai nemban agi,” ku iya.
Pengawa nyuaka bantu udah dipenyadi Chairman Parti Demokratik Progresif (PDP) Bagi Menua Dudong, Teo Boon Siew.
