LUBOK ANTU: Kontinjen Zon Utara nyadi champion besai achara karate ba Lumba Sarawak (SUKSAR) IV 2026 pengudah bulih mayuh midul nyengkaum semilan emas enggau tiga pirak.

Pemujur nya ngemata Zon Utara ninggalka Zon Selatan ba penuduk kedua ti bulih 11 midul iya nya siti emas, enam pirak enggau empat engkeraju lalu Zon Barat ba penuduk ketiga ti bulih 10 midul iya nya siti emas, enam pirak enggau empat engkeraju.

Zon Tengah ba penuduk keempat pengudah bulih lima midul iya nya dua emas, siti pirak enggau dua engkeraju.

Nya alai, SUKSAR IV 2026 ngemata empat zon bepadan enggau nyadi pelasar ngiga penau baru ngambi besikap napi Lumba Malaysia (SUKMA) Selangor 2026, seraya negap pemansang lumba ba Sarawak. - EDISI UKAS