KUCHING: Sepenyampau 408 orang gawa perintah ari 18 opis perintah enggau agensi Perintah Sarawak nerima Pingat Perkhidmatan Setia ba siti penvawa ke diatur ba Kunsil Nengeri (DUN) Sarawak, Hari Tiga.

Pengawa nyua Pingat Perkhidmatan Setia nya dipenyadi Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg.

Pengawa nya terubah diatur ungkup taun 2026 ti ngaul penerima ari agensi Perintah Nengeri enggau Perintah Besai ngaku penyulut servis sereta penaluk sida.

Entara tuai opis perintah ti nerima pingat iya nya Residen Bagi Menua Samarahan, Mohamad Irwan Bahari Bujang, Residen Bagi Menua Serian, Caroline Cleophas Joseph, Direktor Opis Veterinar Sarawak,Datu Dr Adrian Susin Ambud sereta Direktor Opis Kereja Raya Sarawak, Datu Dr Cassidy Morris.

Bela diaku jasa iya nya Direktor Opis Tanah enggau Survei Sarawak, Datu Awang Zamhari Awang Mahmood, Direktor Opis Betanam Betupi Sarawak, Dominic Chunggat enggau Direktor Opis Pengintu Pengelantang Nengeri Sarawak, Semawi Mohamad.

Kelimpah ari nya, sekeda penerima bukai bela dirami ke servis sereta pengeransing sida sepengelama 39 taun ba sektor servis perintah nengeri.

Entara ke nerima, Iskandar Subeki ari Opis Tanah & Survei Sarawak, Davis Herould Awell, Johnny Wong sereta Abu Bakar Zaidel tin gari ke Kaunsil Mengeri Padawan.

Bela nerima, Andy Christopher Goh dan Tay Teck Sian ari Kaunsil Ngempung enggau Ngintu Tanah Sarawak enggau Lau Min Chu ari Opis Pengerai Nengeri Sarawak.

Pingat Perkhidmatan Setia kelai perintah ngenang jasa orang gawa perintah ti ransing bejalaika pengawa sereta tanggungpengawa sida ngagai rayat sereta nengeri Sarawak.

Sama datai, Speaker Kunsil Nengeri Sarawak, Tan Sri Datuk Amar Mohamad Asfia Awang Nassar, Sekretari Perintah Sarawak, Datuk Amar Mohamad Abu Bakar Marzuki, Sapit Speaker DUN Sarawak, Dato Idris Buang, bala Sapit Menteri sereta temuai dipebasa bukai.