Stadium Sarawak Deka Bebali Baru, Moden Nyerumba Lumba SEA 2027
KUCHING: Stadium Sarawak deka bebali baru sereta moden nyerumba Lumba SEA 2027.
Menteri Raban Nembiak, Lumba enggau Pemansang Orang Dagang Sarawak, Dato Sri Abdul Karim Rahman Hamzah madah, pengawa nganti struktur perabung enggau ngemanah langkar luar deka ngemanahka agi stadium nya.
Ku iya, kelimpah ari nya, semua alai duduk ba stadium nya mega deka diganti enggau bangku lipat ngambi lantang dikena sereta sistematik agi.
"Langkar pintu tama besai bela diseleti ngambika jalai penatai ti berurun sereta manah agi, lebih agi ungkup program bejadi sereta program betikas besai.
“Pengawa nyeruri tu ukai semina pengawa ngemanah fizikal, tang bekaul elemen seni begunan enggau perengka guna ba dalam stadium dikena nyikap program antarabansa,” ku iya nerang.
Pengawa nyeruri nya disadang tembu Jun 2027 dikena meri awak nisih teknikal nyengkaum sistem lampu enggau raptai sebedau program bejadi diatur.
