KUCHING: Premier Sarawak Datuk Patinggi Tan Sri (Dr) Abang Abdul Rahman Zohari Tun Datuk Abang Openg dipadu nyadi patron Gerempung Purih Pengiran Sarawak (PKWPS).

Presiden PKWPS, Dr. Awang Nib Zuhairi Awang Ahmad madah, sida berasai gaga ati laban Premier Sarawak besetuju megai penuduk nya.

"Kami gaga amat ati maya Premier Sarawak besetuju nyadi patron gerempung kami. Tu berita ke chukup manah," ku iya maya dirandau sepengudah nemuai basa ngagai Premier Sarawak ba Kompleks Satria Pertiwi ditu, Hari Tiga.

Iya mega madah, siti ari tuju penumbuh PKWPS iya nya nyaga peturun enggau purih Pengiran di Sarawak nengah pengawa mansik begulai enggau sida ti bekaul.

Ku iya, tu nyengkaum ngaga bup sejarah purih Pengiran di Sarawak.

"Pansik tu diatur begulai enggau Universiti Brunei, Gerempung Sejarah Brunei, Palan Sejarah Brunei enggau institusyen di Sarawak," ku iya nerang. -EDISI UKAS