SARATOK: Sekretari Perintah Sarawak, Datuk Amar Mohamad Abu Bakar Marzuki nemuai gawa ngagai Pelilih Saratok enggau Pelilih Kabong dikena ngabas macham projek pemansang enggau langgur pemansang infrastruktur perintah, Hari Empat tu tadi.

Maya nya, Datuk Amar Mohamad Abu Bakar nerima penerang bekaul langgur taba ngaga Opis Pelilih Baru Saratok sereta langgur alai ngaga kuarters staf perintah.

Kelimpah ari nya, iya mega dipadah senentang perambu ngaga Anjung Kalaka ti disadang nyendia perengka guna tambah ngagai bala mayuh.

Iya mega bela ngabas Opis Pelilih Mit Roban meda taba langgur ngaga Opis Pelilih Mit ti baru.

Penemuai gawa nya diterus ke Kabong dikena ngabas projek Balai Baru Kabong sereta pengawa ngaga Opis Pelilih Kabong ti baru, semak Jalai ke Tanjong Kembang.

Sama datai, ADUN Kalaka, Mohamad Duri, ADUN Krian, Friday Belik, Residen Betong, Datu Richard Michael Abunawas, Pegawai Pelilih Saratok Mohamad Dino Amit, Pegawai Pelilih Kabong, Tahir Mohd Sharee sereta pegawai perintah enggau staf Opis Pelilih.-EDISI UKAS