KUCHING: Bazar Ramadan terus nyadi pelasar penyerakup komuniti enggau penyungkak ekonomi pedagang mit.

Sapit Menteri Kuasa enggau Pemeruan Rampa Menua Sarawak, Datuk Dr. Hazland madah, bazar ukai semina ditapat komuniti Melayu aja, tang matak penatai pengusung pupu bansa, lalu nya mandangka pengelantang enggau semangat beserakup peranak menua nya.

Ku iya, bazar Ramadan diatur ninting taun mega beguna endar dikena ngeranchakka ekonomi menua, kelebih agi mantu pedagang mit enggau orang dagang mikro ngulihka belanja sekumbang bulan Ramadan.

“Bazar Ramadan ukai semina tradisyen ninting taun, tang mega pelasar besai ti meri peluang ngagai pedagang mit nambah penatai pemisi, kelimpah ngidupka kaul sosial komuniti,” ku iya lebuh bejadika Bazar Ramadan Stutong, ditu, Hari Empat.

Ku Dr. Hazland, Bazar Ramadan Stutong entara bazar pemadu manah di Kuching ari sukut ngatur, ngemayuhka bansa pemakai, rega ti patut enggau tikas pemeresi ti tinggi.

Ku iya, pengawa nyaga pemeresi bansal, ngena kereban beresi enggau mela pemakai ti likun nyadi tanggungpengawa begulai nentuka pengelantang mensia mayuh.

Sama datai, Datuk Bandar Kuching Selatan, Dato Wee Hong Seng, Sapit Datuk Bandar Kuching Selatan, Dato Zaiedi Haji Suhaili, Chairman Pengatur Bazar Ramadan 2026, Othman Bujang enggau Pemangku Sekretari Mengeri Besai, Zuraida Idris.-EDISI UKAS