Yang di-Pertua Negeri Sarawak & Bini Limpang Ngabas Barang Diguna Ramadan Di Majma Mall
KUCHING: Yang di-Pertua Negeri Sarawak Tun Pehin Sri Dr Wan Junaidi Tuanku Jaafar enggau bini Toh Puan Datuk Patinggi Fauziah Mohd Sanusi limpang ngabas barang diguna maya Ramadan di Majma Mall ditu, Hari Empat.
Yang di-Pertua Negeri Sarawak enggau bini datai urung pukul 1 ngalih hari lalu disambut Yang Dipertua Kaunsil Islam Sarawak Datuk Misnu Taha enggau Menijar Besai Tabung Baitulmal Sarawak, Datu Abang Mohd Shibli Abang Mohd Nailie.
Tuju pejalai nya ngabas pengawa besikap ngintu bulan Ramadan nyengkaum meli barang diguna, kelimpah meda pengawa Majma Raya Fest ti nyadi entara pematak Aidilfitri.
Penatai seduai mandangka sukung ngagai pengawa Kaunsil Islam Sarawak ngerichah Ramadan sereta meransang komuniti nengah aktiviti jalai pengarap enggau ekonomi menua.
