KUCHING: Bazar Ramadan Satok sekali agi ditapat mensia mayuh pengudah dipenyadi kemari ke alai mayuh agi pedagang ngambi bagi dibanding taun dulu.
Sapit Menteri Utiliti (Sarawak Energy Berhad & PETROS) ti nyadi Kaban Kunsil Nengeri (ADUN) Satok, Datuk Ibrahim Baki madah, bazar nya diatur ninting taun ti ukai semina ngerichah Ramadan aja, tang ngerandang peluang ngulihka belanja ngagai bala pedaja.
Ku iya, bisi 108 bansal bejual taun tu, nambah dibanding taun dulu enggau tebal agi pedagang datai ari peranak di Satok.
“Bazar Ramadan meri peluang ngagai pedagang mit ngiga jereki sepanjai bulan Ramadan, kelimpah mantu ngeranchakka ekonomi ditu.
“Berebak enggau nya, kitai deka ngetanka tradisyen ngambi Satok seruran richah taja bulan puasa ti ditapat pengusung bebelika pemakai,” ku iya madah ngagai pemberita lebuh bejadi bazar nya, Hari Empat.
Datuk Ibrahim mega ngelalau bala pedagang enda nikika rega kelalu sereta seruran nyaga kualiti enggau pemeresi pemakai.
Ba pengawa nya, iya mega bisi nyua pemeri ngagai 20 asnaf di DUN Satok ti datai ari pemeri dipupu ari pengatur surau Dewan Bandaraya Kuching Utara (DBKU) dikena mantu ngelempungka tating belanja besehari-sehari bala penerima kelebih agi maya bulan Ramadan.
Sama datai Datuk Bandar Kuching Utara, Dato Hilmy Othman.-EDISI UKAS
