Lebih 10,000 Rayat Nedat Pengerami Ramah Mesra Rayat Enggau TPM
KUCHING: Lebih 10,000 rayat nedat Pengerami Ramah Mesra Rayat Begulai Enggau Sapit Menteri Besai, Datuk Amar Fadillah Yusof di CIDB Convention Centre ditu kena Hari Minggu lalu ngayanka timbal chukup manah sereta pengandal rayat ngagai bala tuai perintah.
Penatai pupu bansa nya ukai semina ngerichah pengerami aja, tang ngayanka kaul rat entara tuai enggau rayat ti majak ditegap nengah chara ngundang rayat.
Pengerami nya nyadi pelasar besai rayat mantai penemu enggau peminta terus ba mua, seriris enggau pengawa perintah nentuka tetiap polisi enggau inisiatif endang nangkup peminta ba renggat baruh.
Berebak enggau nya, program nya ngayanka perintah seruran ransing negap agenda pemansang inklusif, nyengkaum nyendiaka perengkaguna pemun, bekal ai beresi enggau idar ngagai kuasa meruan ungkup pengelantang rayat.
Sama datai bala tuai lokal, pengarai agensi perintah sereta komuniti menua ti sama ngerichah pengerami nya.
Program baka nya disadang terus nyadi penyungkak ba pengawa negap kaul entara perintah enggau rayat, seriris enggau juluk pemansang Sarawak ti meruan enggau inklusif.-EDISI UKAS
