KUCHING: Kaul bebaik ngerichah Pengerami Nerima Pengabang Hari Raya Aidilfitri 2026 diatur Sekretari Perintah Sarawak, Sapit Sekretari Perintah Sarawak (Perambu Ekonomi enggau Pemansang) sereta bala Direktor Unit dikuasa Opis Premier Sarawak di Dewan SABATI ditu, Hari Satu.

Pengerami nya richah agi enggau penatai Sapit Premier Sarawak, Datuk Amar Prof. Dr Sim Kui Hian ti ngelimpangka awak ngulu pengerami nya kelai segulai sejalai enggau penyerakup ba raban administrasyen nengeri.

Penatai iya disambut Sekretari Perintah Sarawak, Datuk Amar Mohamad Abu Bakar Marzuki ti nyadi tuai pengawa.

Sama datai ngerichah pengerami nya Menteri Dagang Temuai, Industri Kreatif enggau Seni Pemerindang Sarawak, Dato Sri Abdul Karim Rahman Hamzah, Luyar Besai Sarawak Dato Sri Saferi Ali, Sekretari Pekara Wang Sarawak Dato Sri Wan Lizozman Wan Omar sereta Sapit Sekretari Perintah Sarawak (Perambu Ekonomi enggau Pemansang) Dato Sri Dr Muhammad Abdullah Zaidel.

Sama datai, dua Sapit Menteri Pengerai Mensia Mayuh, Pengawa Berumah enggau Perintah Lokal Sarawak, Datuk Michael Tiang Ming Tee enggau Datuk Dr Penguang Manggil, Sapit Menteri Dagang Temuai, Industri Kreatif enggau Seni Pemerindang Sarawak Datuk Snowdan Lawan, sereta dua Sapit Menteri ba Opis Premier Sarawak, Datuk Dr Abdul Rahman Junaidi enggau Datuk Sharifah Hasidah Sayeed Aman Ghazali.

Kelimpah ari nya, sekeda Kaban Kunsil Nengeri (ADUN) nyengkaum Dato Ir. Lo Khere Chiang (Batu Kitang), Azizul Annuar Adenan (Tanjung Datu), Wilfred Yap Yau Sin (Kota Sentosa) enggau Johnny Pang Leong Ming (Tanjong Batu) sereta bala tuai opis mega sama datai ngerichah pengerami nya.

Pia mega Datuk Bandar Kaunsil Mengeri Kuching Utara (DBKU) Dato Hilmy Othman enggau Datuk Bandar Kaunsil Mengeri Kuching Selatan (MBKS) Dato Wee Hong Seng, disempulang staf Opis Premier Sarawak bisi datai.

Penatai bala tuai ari mayuh tirai juru ba pengerami nya ngayanka semangat segulai sejalai ti majak tegap ba administrasyen Perintah Sarawak.

Pengerami Aidilfitri ukai semina pelasar ngerapit kaul entara bala tuai enggau orang gawa perintah aja, tang negap pengelantang enggau kaul rat ti nyadi pun penegap enggau pemansang nengeri.-EDISI UKAS

Pemberita: Ahmad Daniel Faiz
Gambar: Ibanez Jeffery