KUCHING: Program Kuching Car Free Morning diatur diatur ngagai tiga minggu ninting bulan dikena ngemujur inisiatif negap budaya idup bepengerai enggau meransang aktiviti belepa ba peranak mengeri besai tu.

Sapit Menteri ba Opis Premier Sarawak (Penyeraris Projek Agensi Pemansang Kandang Menua, Dewan Bandaraya Kuching Utara (DBKU) enggau Pekara Islam), Datuk Dr Abdul Rahman Junaidi madah, program tu ditambah ngaul ngatur ba endur baru iya nya Medan Raya (MASJA), Petra Jaya ungkup minggu kedua ninting bulan.

“Baka ditemu mayuh, kitai udah ngepun Program Kuching Car Free Morning tu di Padang Merdeka berapa taun ti udah lalu udah tu, nitih sanding penemu Premier Sarawak Datuk Patinggi Tan Sri (Dr) Abang Abdul Rahman Zohari Tun Datuk Abag Openg, ditambah seminggu da iya nya minggu ketiga.

“Ngelama tu, kitai ngatur dua minggu sebulan lalu Alhamdulillah sehari tu, kitai nambah seminggu da iya nya minggu kedua ungkup ninting bulan ngambi diatur ba taba Medan Raya tu.

“Belabuh sehari tu, DBKU ngatur program Kuching Car Free Morning pengelama tiga minggu bejurut iya nya minggu keterubah di Padang Merdeka, minggu kedua di Medan Raya enggau minggu ketiga di Padang Merdeka baru,” ku iya.

Iya madah munyi nya pengudah bejadi Kuching Car Free Morning Edisyen Raya ti diatur di Medan Raya (MASJA) Petra Jaya, ditu kena Hari Minggu.

Nerang silik, Kaban Kunsil Nengeri (ADUN) Pantai Damai nya mega madah, pengawa milih Medan Raya nyadi palan tetap ungkup minggu kedua iya nya bepelasarka pengelebih endur nya ti besai, rampa menua ti manah sereta pejalai trafik ti baruh kelebih agi maya ujung minggu.

Nya alai, Datuk Dr Abdul Rahman mai mensia mayuh nyengkaum pengusung ari luar ngambi begulai ngerichah Kuching Car Free Morning ti diatur belebuh ba mengeri besai tu.

Sama datai, Datuk Bandar Kuching Utara Dato Hilmy Othman sereta Direktor DBKU Ramzi Abdillah.-EDISI UKAS

Pemberita : Nur Nabilla
Gambar : Ibanez Jeffery Guang