MULU: Pengawa ngatur Karnival Lumba Gerempung Apai Indai enggau Pengajar (PIBG) Sekula Primari (SK) Long Lamei terus negap pemansang nembiak menua pesisir kelebih agi ari sukut pemanah ulah, disiplin enggau nyadi tuai.

Sapit Menteri ba Opis Premier (Pengereja Kasar, Imigresyen enggau Patau Projek) ti mega Kaban Kunsil Nengeri (ADUN) Mulu, Datuk Gerawat Gala madah, pelasar baka tu nyadi penyungkak besai nempa rebak nembiak ti sebela ari sukut akademik enggau kokurikulum.

Iya ti bejadi karnival ba SK Long Lamei nya nyemetak madah ke pengawa ngambi bagi ba lumba ulih nempa nembiak ti besemekih, disiplin sereta ulih nyadi tuai enggau ngembuan semangat belumba.

Berebak enggau nya, iya temegah meda pemujur sekula nya ti mujur nempa sida ti udah nyulut baka Ezra Uda enggau David Kala, lalu mandangka pengulih besai anak menua pesisir mujur.

Ku iya, pemujur nya bukti akses pelajar bekualiti ulih nyendia peluang ngagai nembiak ba menua ulu nyungkak pemansang komuniti enggau nengeri.

Iya mega meri terima kasih ngagai Kepala Pengajar, Angeline Renly, raban sekula, PIBG sereta komuniti lokal ke pengeran negap penyulut pelajar.

Nambah ke nya, iya ngelalau apai indai semampai nyukung pemansang anak berindik ari sukung ruang bilik nyadi pugu besai nempa pengandal enggau pemujur nembiak.

Bala nembiak mega dipinta ngena pelasar karnival nya dikena ngansah penau, nempa pengawa besemekih chara manah sereta pemereti ke reti lumba ke alai peneleba enggau nempa pemerereti ati lebih beguna ari pemujur aja. - EDISI UKAS