KUCHING: Biodiversiti di Sarawak ukai semina nyadi reta rampa menua tang aset strategik nengeri ke patut dijaga ungkup pengelantang enggau pemansang dudi hari.

Sapit Menteri Pengatur Mengeri, Tanah enggau Rampa Menua Datuk Len Talif Salleh madah, pengawa nyaga enggau ngintu biodiversiti dikena nentu pemansang menua enggau pengelikun rampa menua ulih disebela.

"Enti kitai nyaga jelu siga enggau endur sida diau, kebendar iya kitai benung nyaga pekara ti nentu pengelantang dudi hari.

"Pengawa nyaga enggau ngintu tu patut dipeda kitai baka meranakka puku," ku iya.

Iya bejaku munyi nya maya nyambut Hari Jelu Siga Sedunya 2026 ba Palan Jelu Siga Matang ditu, Hari Satu.

Ku iya, perintah semampai nyungkakka tikas pemanah pengawa ngatur rampa menua ti nentuka pemansang enggau pengawa ngintu digaga enggau sebela lalu enda ngeruga reta pesaka rampa menua nengeri tu.

Iya madah, institusyen baka Opis Kampung Sarawak (SFC) bejalaika tanggungpengawa besai ngaul polisi perintah, pengelandik teknikal enggau saup mensia mayuh ba pengawa ngintu rampa menua.

Pengawa maya nya disempulang enggau nanam pun kayu ti ngelai pengeransing nyaga enggau ngintu rampa menua ke ukai semina retorik aja.

Bela datai maya nya Manijer Besai Sarawak Forestry Corporation, Abang Arabi Abang Aimran.-EDISI UKAS