JULAU: Perintah Sarawak ngena chara silik nganjung bantu nentuka pengawa diatur manah, lurus lalu enda ngelaung raban ti patut nerima, kelebih agi ba menua pesisir.

Kaban Kunsil Nengeri (ADUN) Meluan, Dato Rolland Duat Jubin madah, akses nganjung peminta enggau nyendiaka kaunter luar udah dipejalai ngambi rayat nyamai ngadu pengawa, lalu nya nentuka sida enda tinggal ari nerima bantu ti patut.

Ku iya, inisiatif nya ngaul bantu baka Sumbangan Asas Rahmah (SARA) enggau Sumbangan Tunai Rahmah (STR) ti diatu muntang agi diadu enggau dipinta.

Iya nyebut pekara nya lebuh dirandau media pengudah bejadi Program e-Invois enggau Kaunter Luar Bantu Mata Duit Perintah di Balai Komuniti Julau, kena Hari Lima.

Iya mega madah, Kaunsil Asil Dalam Menua (LHDN) ngambi bagi ba pengawa nya meri penerang terus ngagai rayat lalu nya ngasuh sida mereti ke agi sapa ke patut, atur peminta enggau pengawa ngapil.

Iya nyemetak madah, Tuai Raban Bansa enggau Tuai Komuniti (KMKK) besai pangku pengawa nyadi jematan nentuka penerang datai ba rayat renggat baruh.

Ku iya, chara gawa begulai entara agensi enggau komuniti beguna endar nentuka tetiap bantu ulih diberi manah agi ngagai raban diselinting.

Berebak enggau nya, kaunter khas disedia dikena meresa status enggau apil ngasuh rayat lantang ngulihka penerang lalu nya ngerumban pengawa meri bantu.

Iya nerang, pengawa nya mandangka perintah naka ulih nentuka pengelantang rayat terus diintu nengah sistem servis ti responsif enggau inklusif.-EDISI UKAS