KUCHING: Pengawa ngatur Pengerami Ai patut diserenih ari mayuh sukut baka endur, pengelikun mensia mayuh, penyekut trafik sereya pemesai guna pengempu premis, ku Menteri Nembiak, Lumba enggau Pemansang Orang Dagang Sarawak Dato Sri Abdul Karim Rahman Hamzah.
Ngenang pasal Rain Rave Water Music Festival 2026 deka diatur di Bukit Bintang, ku iya, program baka nya bisi pemanah laban ulih ngempung institusyen ruang bilik enggau komuniti ulih ngelantangka runding.
“Pekara baka tu mih suah meri penanggul laban ba aku, enti diatur di Bukit Bintang, lebih agi semak Pavilion, engka ngeruga rampa menua,” ku iya.
Iya nyebut jaku nya ba Pengawa Bejadi Pekit Futsal Trofi Presiden Gerempung Nembiak Nasional Besatu Sarawak (SABERKAS) SABERKAS di Arena Sukan Simpang Tiga, ditu, Hari Lima.
Ba penemu Dato Sri Abdul Karim, endur ba palan dagang besai enda entu engkeman ungkup program baka nya.
"Kebuah pia laban penemu pengempu beguna dia mega patut diperunding ke alai mensia mayuh basah-basah belanda tama ke begunan engka tau meri penanggul,” ku iya.
Iya mega madah, pekara nya patut diperunding raban bekuasa lokal sebedau merambu tauka ngemendarka sebarang endur ngatur program.
Iya mega andal, program nya deka dibantah enti diatur sepiak kompleks begunan ditu laban tau meri penanggul trafik.
“Taja bisi bala datai endang deka bemain ai, tang bisi mega engka enda nemu lalu ngenyit basah kena ai lalu begau.
“Pekara baka tu tau ngasuh penusah bebadi tauka ngenyai reta tengkira, nya alai program tu patut diperunding ari mayuh sukut,” ku iya. -EDISI UKAS
Pemberita: Ahmad Daniel Faiz
Gambar: Shahril Haqim
